Meditoj pri la psalmoj, Psa 1
Doni frukton en sia horo
Feliĉa estas la homo kiu (...) pensas pri la Leĝo tage kaj nokte. Li estos kiel arbo, plantita apud akvaj torentoj, Donanta sian frukton en sia tempo » (Psa 1, 1-3). Mia Dio, vi diras al mi ke mi estos feliĉa, feliĉa de la vera feliĉo, feliĉa je la lasta tago..., ke, ja malfortulo kia mi estas, mi estas palmo plantita apud fluantaj akvoj, la fluantaj akvoj de la Dia volo, de la Dia amo, de la graco..., kaj ke mi donos mian frukton en ties tempo. Vi bonvolas konsoli min; mi sentas min senfrukta, mi sentas min sen bonfaroj, mi diras al mi: mi konvertiĝis de dek unu jaroj, kion mi faris? Kiaj estis la faroj de la sanktuloj kaj kiaj estas la miaj? Mi vidas min kun manoj malplenaj de bono.
Vi bonvolas konsoli min: « Vi donos frukton en via tempo », diras vi... Kiam estas tiu tempo? Nia tempo, por ĉiuj, estas la horo de la juĝo: vi promesas al mi ke, se mi persistas en la bonvolo kaj la batalo, eĉ malriĉa kia mi vidas min, mi havos fruktojn en tiu lasta horo.
(fonto: http://evangelizo.org/)
|
|
Psalmo 1
1 Feliĉa estas la homo, kiu ne iras laŭ
konsilo de malpiuloj,
Nek staras sur vojo de pekuloj,
Nek sidas en kunsido de blasfemantoj;
2 Sed li nur havas deziron por la
leĝo de la Eternulo,
Kaj pri Lia leĝo li pensas tage kaj nokte.
3 Kaj li estos kiel arbo,
plantita apud akvaj torentoj,
Donanta sian frukton en sia tempo,
Kaj kies folio ne velkas;
Kaj en ĉio, kion li faras, li sukcesos.
4 Ne tiel estas la
malpiuloj;
Sed ili estas kiel grenventumaĵo, kiun disblovas la vento.
5 Tial ne staros fortike la
malpiuloj ĉe la juĝo,
Nek la pekuloj en societo de piuloj.
6 Ĉar la Eternulo konas la vojon
de piuloj;
Sed la vojo de malpiuloj pereos.
|
aŭskultu - (mp3 357 Kb)